搭地鐵咁多年，一直都紀錄良好，以前仲會笑啲人「乜蠢到連地鐵都唔識搭呀？」

點知，廿年道行一朝喪.......

今日出太古攞嘢，如常喺鰂魚涌轉車，一路都提自己係要轉去太古，即係往柴灣方向的地鐵.....

點知播PA嘅時候，掛住睇手上的readings，無留意到架車去邊.......

就算睇住月台個牌話係去邊都無理到.......

點知，架車關門後，開咗車，要出咗下一站果段PA.......「下一站北角」........

死火，乜唔係去太古咩？攪錯呀.......地鐵都會搭錯？##@@@##***

結果，當然係北角即刻落車，再轉車啦。

點知呀Kay打嚟問我喺邊，死都唔爆自己瘀嘢嘅我，就話自己喺鰂魚涌啦.......

去到正確月台，點知架地鐵啱啱走咗......仲要見到個牌出要四分鐘後先有下一班車.......啞哂......^^||||

奉勸各位，搭地鐵都要集中精神，如果唔係咁瘀皮的話，真係無人會可憐......尤其係平時自稱「人肉地圖」嘅人。