一條諗左好耐好耐的問題，
點解屋企係咁關心“食飯”呢個問題呢？
佢地會想知道我食飯的時間，
但係點解佢地好似緊張得咁緊要ge?
同埋琴晚問我的出門時間，
我根本都答唔到一個好實的時間，
連個概念都無，因為我都要臨訓，
先有人話可以搵車做接送。

呢個variable有幾大，我唔識得點樣講俾佢地聽。
如果要自己搭車去，時間係講緊個零鐘頭，
即係十一點零一定要出門，
我果餐唔會叫中午呱....
但係如果有車坐的，成十二點幾出門都okay，
果餐可以係中午，
但係我到依家都未confirm到我有無車坐，
咁即係我連出門時間都答唔實，
咁我又點知係一定兩餐呀？

一朝早要人地估當然係唔好，
但係你問一樣連我都唔知的野，
我又可以答d咩je?
死都答唔知咩？咪俾人噴得仲犀利....
答個時間，又係我錯，因為我唔再早d話個時間俾人聽。

但係可以講的，係呢排都係7點鐘訓醒，
呢個係我覺得最影響我食幾多餐的factor，
但係我唔知自己幾點起身的情況下，
我又點可用答到話我要幾多餐je?

不過，衰係衰在我d態度晦氣je...
唉，對唔住呀貓...