遲來的三星灣一記。

講左話要去三星灣都好耐，
要去到3號先得閒去。

果日約左女友(差d想打第二個稱呼tim...)o係彩虹等，
去到北港落車，
但係要行成3-4公里先去到個海灘，
仲要條路係無咩指示的，
擺到明連探路都無啦，抵打。

行山果段覺得幾辛苦，
相反女友就相當輕鬆，
可能因為太耐無操過，
而且個背囊都好重下...

行好耐都無指示，
開始有少少驚，
但係見到指示之後，
開始感覺到三星灣係幾靚的。

去到最後一段，開始落斜，
見到個海灘，
我同女友都嘩左一大聲，(要叫得咁formal真係好唔慣)
真係好正呀....

落到去，各自prepare，
準備落水。
好彩唔多人，
個海灘d野自己小心dd就非常okay了。

陽光好好，
d水又好清，
香港都唔多覺有多一兩個呢隻咁靚的海灘囉...
玩左幾個鐘，俾我家姐話我曬到成隻燒豬咁....
(唔開心中...><)

最後，發現係有街渡走，
收費5蚊個，唔係貴，
只係我同女友都覺得行山去個feel好好，
落山見到個灘果下的滿足感真係好大呢。