第一次睇日本鼓的音樂會，
個氣氛由第一下入到個場到已經有驚喜。
我估唔到原來會係full house，
仲要有唔少係外國人同埋日本人呢...
結果，個break的時候，變成一個巨型的social function咁。

講返個音樂會，
個平大鼓好大呀....真係可以壓死人的。O_o
但係成隊人都好俾心機表現，
而且個藝術總監唔單止有落場表現，
仲好識得帶動觀眾的情緒，
亦都俾好多機會觀眾去參與其中。

鬥鼓果一隻歌真係好得意，
由最細去到最大的太鼓都用到盡，
而且個個都好好韌力，
仲要佢地都好後生，好有活力，
要拎住個太鼓一路打，一路通場飛，
真係佩服、佩服。

去到謝幕的時候，
全場拍爛手掌，
佢地亦都再表現多一兩隻歌，
仲要係好involve全場齊齊去enjoy，表現。
不過，真係到佢地ultimate謝幕的時候，
見到佢地個個大汗疊細汗，
真係可以睇到佢地有幾投入去整場表現入邊。

當然，佢地的回報，
除左掌聲之外，仲有唔少人，
包括我同女友都起立拍手。

不過，講開又講，呀總監個樣真係有少少似呀包哥呢.....:)