我愛死今晚坐的紅小了........

十六分鐘，把我由荃灣送到黃大仙的家.......

變態.......

不用四十五分鐘，便由學生在深井的家回到家中。

勁到..........

無話可說。

有d事，原本以為自己無錯，點知係自己無乜pay過attention，唔太上心，

甚至係無留意過。

結果係俾人心中暗罵。

會唔會呢d咁心不在焉嘅衰嘢，喺一d我好在意嘅人和事出現呢？

都係唔好咁喇......對好多人都唔好㗎。

補充一句：

開心嘢係無分先後次序

嗯.......

估唔到咁就一年喇∼∼

呢一年，有苦有樂。好在係先苦後甜。

苦，有部份係自己攞嚟，有部份係同人相處而來。

我一定唔會話所有嘢，自己一d錯都無，但我會話俾大家聽，只有無犯過任何錯嘅人，先有資格去批評人。

我亦都覺得身邊有太多把口唔太密實的人，本來有啲嘢我唔會介意講，

但係你哋由GPA到有無拖拍都估一餐，有乜謂呢？

要知就問，唔好亂估。估都唔緊要，因為我可能對住d rumours係百無禁忌、百毒不侵，但有部份人唔一定係得。

想傷害我，我無乜所謂，但唔該你搞清楚件事，係唔係只會傷害到一個人？

鬧完，都要講番啲開心嘢。


開心嘢一：搵到兩份唔錯的補習。

開心嘢二：搵到班好嘅下莊做朋友。

開心嘢三：又識多個人玩Mac。

開心嘢四：搵到一個可以分享心底每件事嘅知己。

開心嘢五：搵到個好嘅竇口。

開心嘢六：終日以坐飛車為樂。

當然開心嘢唔只咁少，要知？

你實知到應該點做啦？

有問未必一定有答，但只估唔問而我最後又知的，後果只有一個。

今日見多咗好多嘢。

原來失魂魚係可以早到咗成個鐘，但係自己以為遲咗少少到......

原來觀塘小巴不比九龍城╱黃大仙快，

原來有個地方係大到需要好多時間先睇得哂，

原來我係無乜回憶，同好多人都無得比。

不過，唔緊要，有啲嘢唔係貴在回憶，而係珍惜。

不過多啲回憶，諗番起都開心啲啦.......

要搵次去尋訪番自己嘅回憶先得......

估唔到......

原來一個人可以因為唔同嘅嘢而改變自己。

連平時超臭嘅脾氣，都可以收到火。

同阿媽嗌交，竟然係我變得冷靜。

真係.......嚇到自己都呆咗，估唔到咁都改變到。

min älskare, tyck så mycket......