琴日見到好耐無見過的Biii~，同佢同女友食飯....
最衰有手信但係臨出門口前換袋，結果無拎到俾Biii~~
sorry Biii~

之後返上mini執衫...
d衫多到有少少如天上繁星，
好多，有人本來仲要好似好趕時間咁去洗，
唔理黑白都擺左先算....
好彩有人提左我先...如果唔係我見靚靚Polo都無囉.....

洗衫都洗左三個鐘...
跟住再re-sort d衫...呢個可能仲要補補飛....
仲未收tim bor.....

遲下再上去先得喇....

琴日罕有咁同肥昌、柴、佳、懷智唱K，
我呢隻平日唱K會唔去、叫我唱歌即係叫我去死的人，
琴日唔覺唔覺都唱左唔少歌...
好彩把聲無沙到，
唔係就弊喇....
d相遲d上埋我個album到喇....

終於等到女友琴日返香港喇....
果種有少少度日如星期的感覺不言而諭，
沙田火車站，往九龍方向尾二門位見到佢果下，
好似一別唔知幾耐之後重逢果種...
等人地仲成日問話我X唔XX人呀？
個答案明題到不得了喇....

收到手信...都好開心呢....
餐飯，最初以為會唔夠飽，
點知慢慢食，食到尾覺得剛好，
口水雞....俾貓貓知道之後，佢果然係不出所料，
係問辣唔辣....
我諗個答案都令貓幾失望囉....

最好笑的，
係莫過於去IKEA同西田搗亂...
我地都某一個猜想都有同一個答案，
而亦都對呢個答案有同感呢...
我地亦終於搵到有情飲水飽的下一句喇....
等我遲d都擺埋上web album先得...

琴晚有人好似好愁呢...唔知今日之後會唔會好番d呢...
仲有仲有....
70X應該係長期愛線喇...點解呢？
搵人答下我呀....

終於等到今日喇....
今朝唔知點解，六點幾就醒左....
不過諗下諗下，我都知道點解....

之不過係好好笑je...
雖則而家用緊果部爛鬼GD52真係唔慌唔好笑....
個樣又out喇，部機又重...
都算喇...
未見過d咁難用、設計咁差的電話，
仲有仲有，識響唔識震，但係又要響得好鬼死細聲....

部T68i又淨係聽女朋友話....連電話都鐘意佢，唔要我喇....

嗚嗚....

好舒服...
無壓力....

不過....
真係好掛住人呀....