個blog第六百一十八篇entry...

係要寫個袋爆左拉鍊...
好狼狽咁去到間鋪，
俾佢幫我整返個袋之餘，
仲要買過個新袋....

結果就走左入Seibu，
買左個三百零蚊的Slazenger..

啡襯金...都okay的，
不過已經無咩心機揀，
就算係事前同自己講話想買個靚袋，
最後連格都無格價就走左....

只係好彩今日無落雨....

今日係全港青年學藝比賽的頒獎禮，
多謝Miss Wong唔單止邀請我去，
仲請左我食餐brunch buffet。

今日同Miss Wong真係傾得好開心，
分享左好多心底說話，
亦都好多謝佢好關心我早排的事，
希望俾佢知道我真係無事啦...
亦都希望Miss Wong的父母身體健康啦。

頒獎禮完之後，
見到校長、亦都見到佢同一個1950年畢業的英華舊生傾計...
佢亦都好開心可以贏到咁多獎盃。
(梗係啦，佢到依家一餐都未請過我地...)
我真係好想可以借隻大盃擺屋企幾個星期，
甚至只係一個星期，
我都心滿意足喇....

琴晚同個朋友傾電話傾通頂...
好耐都無試過可以傾通頂電話...
亦都睇怕有排我都唔會有心情、時間去同傾咁耐，
越傾得耐，真係越覺得佢似一個人...

唔知以後有無其他人會令我想同佢傾通頂電話呢?